Snackt mehr Platt! Plattdüütsch mutt blieben!

Dorför mööt wi wat doon. Wi kriegt dat aber bloots up de Reeg, wenn ok de jungen Lüüd wedder Plattdüütsch snackt.
De Fördervereen För Platt e. V. will dorbi helpen.
Dor will sik de Vereen för insetten:
• Kultuur un Heimatkunn schall pleegt warrn.
• De Plattdüütsche Spraak schall up alle Oort un Wies erhoolen, verbetert un ünner de Lüüd bröcht warrn.
Jedeen kann Mitglied warrn!
De Bidrag för een Johr is tominnst 20 Euro, för Vereene etc. tominnst 40 Euro.
________________________________________
Dat ward Tiet. Laat uns wat doon!
Dat steiht- hier kort tosamenfaat - in de Statuten för den Vereen För Platt e. V.
§ 1: De Vereen driggt den Naam För Platt e. V.. He hett sien Sitz in Salzhausen.
§ 2: De Vereen verfolgt bloots un direktemang gemeennützige Zwecke. Zweck vun den Vereen is de Pleeg vun Kultuur un Heimatkunn. De Zweck vun de Statuten ward besünners denn ümsett, wenn de Plattdüütsche Spraak up verschieden Oort un Wies erhoolen, verbetert un ünner de Lüüd bröcht ward.
§ 3: Mitglied vun den Vereen kann jedeen natüürliche oder juristische Persoon warrn, de den Vereen ünnerstütten deit.
§ 4: De Mitglieder betahlt Bidrääg, so as dat de Mitgliederversammeln beschlaten hett. För dat Fastsetten vun de Bidrääg is de eenfache Mehrheit nootwendig.
§ 5: Organe vun den Vereen sünd de Mitgliederversammeln un de Vörstand.
§ 6: De Mitgliederversammeln is in dat eerste Quartaal vun jedeen Johr aftohoolen. Jedeen Mitglied kann bet to een Week vör en Mitgliederversammeln bi den Vörstand schriftlich noch wat to de Tagesordnung bistüürn. De Mitgliederversammeln wählt alle dree Johr den Vörstand.
§ 7: De Vörstand sett sik tohoop ut fief Vörstandsmitglieder - den eersten, den tweeten un den drütten Vörsitter, den Kassierer un den Schrieber. Vörstand na § 26 BGB sünd de 1. Vörsitter un de Schrieber. Se vertreed den Vereen tosamen.
§ 8: Geschäftsjohr is dat Kalennerjohr.
§ 9: Wat de Vereen besluten deit, is in en Protokoll fasttoholen.
§ 10: Bi dat Uplösen vun den Vereen oder Wegfall vun de stüürbegünstigten Zwecke fallt dat Vermögen vun den Vereen an den Landkreis Harburg, de dat unmiddelboor un för nix anners as för gemeennützige Zwecke in’n Landkreis Harburg to verwenden hett.
Den ganzen Text vun de Statuten gifft dat bi unsen 1. Vörsitter.
________________________________________
Dat is uns Vörstand:

Vörsitter: Herbert Timm, Wulfsen
Vertreter: Otto Schneider, Ramelsloh, Günter Sepp, Wistedt
Schriebersch: Astrid Sitarz, Evendorf
Kassierersch: Elsabe Rolle, Salzhausen